म्याग्दी, ३ असोज । लायन्स क्लव अफ बेनी लभ्लिहिलले आयोजना गरेको रक्तदान कार्यक्रममा २४ युनिट रगत संकलन भएको छ ।

संविधान दिवसको अवसर पारेर शुक्रबार विहान प्रदेश अस्पताल बेनीमा आयोजित रक्तदान कार्यक्रममा सो रगत संकलन भएको हो ।
नेपाल रेडक्रस सोसाईटी र रक्तसंचार केन्द्र बेनीको प्राविधिक सहयोगमा रक्तदान कार्यक्रम संचालन गरिएको हो ।

जिल्लामा इमरजेन्सी विरामीका लागि रगतको अभाव हुन नदिन रक्तदान कार्यक्रम आयोजना गरिएको कल्वका अध्यक्ष ओम प्रसाद शर्माले बताउनुभयो ।

कार्यक्रम क्लवका अध्यक्ष शर्माको अध्यक्षता, नेपाल रेडक्रस सोसाईटी म्याग्दीका सभापति अमर बानियाँको प्रमुख आतिथ्यता, उपाध्यक्ष जीवन पौडेलको स्वागत र सचिव प्रेम नेपालीको संचालनमा सम्पन्न भएको थियो ।