म्याग्दी प्रवासी नेपाली संघ (मोना) अन्तर्राष्ट्रिय कार्यकारी समितिको छैठौं अन्तर्राष्ट्रिय महाधिवेशन स्थगित भएको छ । पछिल्लो समय देशमा उत्पन्न असहज परिस्थितीलाई मध्यनजर गदैं आगामी असोज २२ र २३ गते सदरमुकाम बेनीमा हुने भनिएको महाधिवेशन स्थगित भएको महासचिव सुनेश केसीले बताउनुभयो ।

महासचिव केसीका अनुसार महाधिवेशनको अवसरमा आयोजना गर्ने भनिएको दोस्रो मोना भलिबल कप र विविध सांस्कृतिक कार्यक्रम पनि स्थगित गरिएको छ । परिवर्तित परिस्थितिलाई मध्यनजर गर्दै अनुकुल समयमा महाधिवेशन सम्पन्न गर्ने मोना अन्तर्राष्ट्रियले जनाएको छ।

मोनाले महाधिवेशनको अवसरमा बेनी नगरपालिका–७ मंगलाघाटमा निर्मित हुने मोना हाउसको समेत शिलन्यास गर्ने तयारी भइरहेको थियो ।