म्याग्दी । म्याग्दीको बेनी नगरपालिका वडा नम्वर २ दारिमपाटामा ७२ वर्षीया मनकुमारी घिमिरेको हत्या भएको छ । सोमबार विहान करिव साढे ११ बजेको समयमा मनकुमारीलाई आफ्नै नातीले घरमा वसिरहेको अवस्थामा धारिलो हतियार प्रहार गरि हत्या गरेको हो ।

धारिलो हतियार प्रहार गरी फरार भएको खबर पाए पछि जिल्ला प्रहरी कार्यालय म्याग्दीबाट प्रहरी निरीक्षक सागर तिमिल्सिनाको कमान्डमा १५ जनाको प्रहरी टोली परिचालन गरिएको थियो ।

उनकी छोरीका छोरा अन्दाजी २६ वर्षीय आशिष बरुवालले धारिलो हतियार प्रहार गरी हत्या गरी फरार भएका थिए ।

खोजतलासका क्रममा बरुवाललाई बेनी नगरपालिका–२, हाडेभिरस्थित भाग्दै गरेको अवस्थामा फेला पारी नियन्त्रणमा लिइएको हो । घटनाबारे आवश्यक अनुसन्धान तथा प्रमाण संकलनको कार्य भइरहेको छ ।