काठमाडौं । एसीसी प्रिमियर कपको सेमिफाइनलमा नेपालले ओमानसँग प्रतिस्पर्धा गरिरहेको छ ।

मलेसियाको क्वालालम्पुरस्थित बायुमास ओभलको मैदानमा जारी खेलमा नेपालले ओमानलाई १४८ रनको लक्ष्य दिएको छ ।

टस हारेर पहिले ब्याटिङमा उत्रिएको नेपाल ४५।४ ओभरमा १४७ रनमै अलआउट भयो ।

नेपाललाई लज्जास्पद स्कोरबाट बचाउन दीपेन्द्र सिंह ऐरीले ५१ तथा बसिर अहमदले ४७ रनको योगदान दिए । अन्य कोही पनि ब्याट्सम्यान चल्न सकेनन् ।

ओपनरद्वय देव खनालले १३ तथा आसिफ शेखले ११ रन जोडे ।

यस्तै, ईशान पाण्डेले १, रोहित पौडेलले ३, गुलशन झाले ७, करण केसीले ५, सन्दीप लामिछानेले ३ रन जोडे ।

बलिङतर्फ ओमानका जय विरम ओडेडारा र हस्नइन शाहले तीन–तीन तथा मुहम्मद इमरानले दुई विकेट लिए । यस्तै, मुजीबुर अलि र शकिल अहमदले एक–एक विकेट लिए ।