काठमाडौं । नवनियुक्त ऊर्जा, जलस्रोत तथा सिँचाइराज्यमन्त्री खमबहादुर गर्बुजा (खम्विर) ले शपथ लिनुभएको छ ।

प्रधानमन्त्री निवास बालुवाटारमा आयोजित समारोहमा प्रधानमन्त्री केपी शर्मा ओलीसमक्ष गर्बुजाले पद तथा गोपनीयताको शपथ लिनुभएको हो । गर्वुजा २०७९ सालको निर्वाचनमा म्याग्दीबाट निर्वाचित प्रतिनिधिसभा सदस्य हुनुहुन्छ ।

कार्यक्रममा उपप्रधानमन्त्री एवं शहरी विकासमन्त्री प्रकाशमान सिंह, गृहमन्त्री रमेश लेखक, मन्त्रीहरु, नेपाल सरकारका उच्च अधिकारी उपस्थित थिए ।

राष्ट्रपति रामचन्द्र पौडेलले प्रधानमन्त्री ओलीको सिफारिमा यही वैशाख १७ गते गर्बुजालाई राज्यमन्त्रीमा नियुक्त गर्नुभएको थियो ।

यसअघिका ऊर्जाराज्यमन्त्री पूर्णबहादुर तामाङलाई देउवाको सिफारिसमा प्रधानमन्त्रीले बर्खास्त गर्नुभएको थियो ।