म्याग्दी । म्याग्दी घर भई हाल अष्ट्रेलियामा वस्दै आउनुभएका सर्जक रमेश रोकाको नयाँ लोक दोहोरी गीत “स्वर्ग” सार्वजनिक भएको छ ।
यस गीतमा शान्ति श्री परियार र दीपक कुँवरको स्वर रहेको छ । गीतका शब्द रमेश रोकाले लेख्नुभएको हो भने संगीत दीपक कुँवरको रहेको छ ।

गीतको भिडियोमा सरिता दानकोटीको कोरियोग्राफी तथा निर्देशन रहेको छ । छायांकन हरी ढकालले गरेका हुन् भने सम्पादन विष्णु खड्काले गरेका छन् ।

उक्त भिडियोमा दिपेश रोका र सरिता दानकोटीको अभिनय देख्न सकिन्छ । गीत “स्वर्ग”लाई रमेश रोकाको अफिसियल युटुव च्यानलबाट सार्वजनिक गरिएको हो ।

नेपाली लोक संगीत प्रतिको माया र झुकावले गर्दा विदेशमा रहेर पनि गीत संगीतलाई आत्मसाथ गर्दै अगाडी वढेको सर्जक रोकाले बताउनुभयो । गीतले टिकटक तथा युटुव तिर श्रोता दर्शकको माया पाउदै गएको छ ।